نئی دہلی: وزیر اعظم نریندر مودی آج ویڈیو کانفرنسنگ کے ذریعے کرناٹک میں گلوبل انویسٹرس سمٹ کے افتتاحی اجلاس سے خطاب کریں گے۔ یہ اطلاع منگل کو وزیر اعظم کے دفتر سے جاری ایک ریلیز میں دی گئی۔ اس سربراہ کانفرنس کا مقصد بھارتی سرمایہ کاروں کو راغب کرنا اور آئندہ دہائی کے لیے ترقیاتی ایجنڈا تشکیل دینا ہے۔ بنگلورو میں 2 نومبر سے 4 نومبر تک منعقد کئے جارہے اس تین روزہ پروگرام میں 80 سے زیادہ مقررین کے اجلاس ہوں گے۔ Global Investors Summit in Karnataka
مقررین میں صنعت کے کچھ ا علیٰ قائدین ہوں گے، جن میں کمار منگلم برلا، سجن جندل، وکرم کرلوسکر اور دیگر شامل ہیں۔ اسی کے ساتھ 300 سے زیادہ نمائش کاروں کے ذریعے بڑی تعداد میں کاروباری نمائشیں اور کنٹری اجلاس ساتھ ساتھ جاری رہیں گے۔ کنٹری اجلاسوں میں سے ہر ایک کی میزبانی شراکت دار ملکوں کے ذریعے کی جائے گی جن میں فرانس، جرمنی، نیدرلینڈ، جنوبی کوریا، جاپان اور آسٹریلیا شامل ہیں، جو اپنے متعلقہ ممالک سے اعلیٰ سطحی وزارتی اور صنعتی وفود ساتھ لائیں گے۔ عالمی پیمانے کی اس تقریب سے کرناٹک کو اپنی ثقافت کو دنیا کو دکھانے کا موقع بھی حاصل ہوگا۔
یہ بھی پڑھیں: Rozgar Mela Launched by PM Modi in Budgam وزیر اعظم نے روزگار میلے کا آن لائن افتتاح کیا
یو این آئی
