بنگلورو: کیرالہ کے وزیر اعلی پنارائی وجین نے اتوار کو کرناٹک کے اپنے ہم منصب بسواراج بومائی سے ملاقات کے دوران سلور لائن ریلوے کے معاملے پر ان سے بات چیت کی۔ یہ میٹنگ بومائی کی سرکاری رہائش گاہ 'کرشنا' میں ہوئی۔ بومائی نے ٹویٹر پر کہا کہ ان کی پنارائی کے ساتھ ایک نتیجہ خیز ملاقات ہوئی اور بین ریاستی اور باہمی دلچسپی کے مختلف امور پر تبادلہ خیال کیا۔Pinarayi meets Bommai
انہوں نے ٹویٹ کیاکہ 'کیرالہ کے وزیر اعلی پنارائی وجے کے ساتھ ایک نتیجہ خیز ملاقات ہوئی۔ بین ریاستی اور باہمی دلچسپی کے مختلف امور پر تبادلہ خیال کیا گیا۔'
یہ میٹنگ کیرالہ کے کوولم میں جنوبی زونل کونسل کی میٹنگ کے بعد ہوئی جس میں مرکزی وزیر داخلہ امت شاہ نے شرکت کی تھی۔ میٹنگ میں پنارائی نے اپنی نیم ہائی اسپیڈ ریل کو کرناٹک میں منگلورو تک بڑھانے کا مشورہ دیا۔
سلور لائن پروجیکٹ کا مقصد ترواننتا پورم سے سرگوڈ تک 540 کلومیٹر تک توسیع کرنا ہے، جس سے بہتر رابطے اور روزگار کے مواقع پیدا ہوں گے۔ ٹرین ترواننتا پورم سے شروع ہوگی اورکاسرگوڈ پہنچنے سے پہلے کولم، چنگنور، کوٹائم، ایرناکولم، تھریسور، ترور، کوزی کوڈ اور کنور میں رکے گی۔
کیرالہ کانگریس کی زیر قیادت یو ڈی ایف اس پروجیکٹ کے خلاف ہے جو کیرالہ حکومت اور وزارت ریلوے کے درمیان مشترکہ منصوبہ ہے۔ ان کا الزام ہے کہ یہ منصوبہ غیر سائنسی اور قابل عمل نہیں ہے۔
یو این آئی
