کرناٹک مینا ریٹی ڈویلپمنٹ کارپوریشن کے سائن بورڈ کنڈا زبان کے ساتھ ساتھ اردو زبان میں بھی کرنے کا مطا لبہ کیا ۔ اس کے علاوہ میناریٹی دفتر کی جانب سے شائع ہونے والی بک لیٹ کو بھی اردو زبان میں شائع کرنے کا مطالبہ کیا۔
یاران ادب بید کے سکریٹری محمد یوسف رحیم نے ای ٹی وی بھارت سے بات چیت کر تے ہوئے کہاکہ کرناٹک مینا ریٹی ڈویلپمنٹ کارپوریشن کے سائن بورڈ پر صرف کنڈا زبان میں ضلع دفتر کانام لکھا ہو ا ہے ۔ اردو زبان میں بھی سائن بورڈ ہونا چا ہیے۔
انہوں نے کہاکہ یہ ایک اقلیتوں سے متعلق دتر ہے ۔ اس کے لیے کنڈا زبان کے ساتھ ساتھ اردو زبان میں بھی سائن بورڈ ہونا چا ہیے۔کیونکہ بیدر میں مسلمانوں کی 40 فیصد آبادی ہے اور ان کی مادری زبان اردو ہے ۔
سکریٹری نے مزید کہاکہ سرکاری اسکمیوں کی معلومات پر مشتمل بک لیٹ کنڈا زبان میں ہے ۔ زیادہ تر مسلمان کنڈا زبان اچھی طرح سے نہیں جانتے ہیں جس کی وجہ سے انہیں تھوڑی پریشانی ہوتی ہے ۔ اس لیے بک لیٹ کو اردو زبان میں شائع کیے جانے کا مطا لبہ کیاجارہا ہے۔
یوسف رحیم نے مزید کہا کہ ہونا تو یہ چاہئے کہ جتنے مذاہب اقلیت میں آتے ہیں ان سب کی مادری زبان میں حکومت اقلیتی بہبود کی جانب سے
سرکاری اسکیموں سے متعلق کتابیں ان کی مادری زبان میں شائع کی جائیں۔
