ریاست کرناٹک کے ضلع یادگیر میں کورونا متاثرین کی تعداد میں روز بروز اضافہ ہوتا جارہا ہے اس اضافے کو دیکھتے ہوئے محکمہ بلدیہ کی جانب سے ماسک نہ لگانے والوں پر جرمانہ عائد کیا جا رہا ہے۔
محکمہ بلدیہ کے اسسٹنٹ ایگزیکٹو انجینیئر گنگا دھر نے میڈیا سے بات کرتے ہوئے کہا کہ ضلع یادگیر میں کورونا متاثرین کی تعداد میں روز بروز اضافہ ہوتا جارہا ہے، جس کی وجہ سے محکمہ بلدیہ کی جانب سے ماسک نہ لگانے والوں پر 100 روپے کا جرمانہ عائدم کیا جارہا ہے۔
انہوں نے کہا کہ لوگ کورونا وائرس کے انفیکشن سے غیر سنجیدہ ہوگئے ہیں اور بے فکر ہو کر عوام بازار میں گھوم پھر رہے ہیں۔
انہوں نے کہا کہ شہر میں گاندھی چوک کے علاوہ سٹیشن کے علاقے میں بھی محکمہ بلدیہ کی جانب سے ماسک نہ لگانے والوں پر جرمانہ لگانے کے لیے محکمہ بلدیہ کی جانب سے دو ٹیمز تشکیل دی گئی ہیں، اور ہر ٹیم میں بارہ لوگ اپنی خدمات انجام دے رہے ہیں۔
انہوں نے عوام سے اپیل کرتے ہوئے کہا کہ لوگ اپنی صحت کا خیال رکھنے کے لیے اور کورونا وائرس سے بچنے کے لیے بتائے گئے احتیاطی اقدامات پر عمل کریں، سینیٹائزر کا استعمال کریں اور سماجی فاصلے کا خیال برقرار رکھیں۔
