اس موقع پر ڈاکٹر عبد القدیر نے بتایا کہ "شاہین اسکالرز گروپ" ایک ترقی پسند نظام ہے جس کے ذریعے اسکول و کالج کے بچوں کی فطری استعداد ٹیلینٹ و خوبیوں کو پرکھا جاتا ہے اور انہیں ابتدا ہی سے اعلیٰ مقابلہ جاتی امتحانات جیسے نیٹ، آئی اے ایس، آئی پی ایس وغیرہ کے لئے رہنمائی کی جاتی ہے۔
ڈاکٹر عبد القدیر نے مزید بتایا کہ اس نظام کے تحت علماء و حفاظ کے لیے بھی کئی ایسے مواقع ہیں کہ وہ اپنے دینی علوم کے حصول کے ساتھ عصری تعلیم بھی حاصل کریں اور اعلیٰ کورسز مکمل کر ترقی کریں اور آگے بڑھیں۔
اس موقع پر نامہ نگاروں سے بات کرتے ہوئے شہر تمکور کی میئر فریدہ بیگم نے کہا کہ تعلیم ہی کے ذریعے معاشرے میں تبدیلی لائی جاسکتی ہے، لہذا والدین اپنے بچوں کو اعلیٰ تعلیم سے آراستہ کریں کہ وہ ملک و ملت کی ترقی کے لئے کام کریں۔
مزید پڑھیں:
بیدرمیں جلسہ اولیاء اللہ و خدمت خلق کا انعقاد
تمکور کے گلوبل شاہین کالج کے متعلق ایک غور طلب بات یہ ہے کہ اس کے مہتمم افضل شریف نے چند برسوں قبل تجاری کامپلیکس و شادی ہال کی تعمیر کرنے کا فیصلہ کیا تھا لیکن شاہین انسٹی ٹیوشن سے متاثر ہوکر ایک تعلیمی ادارہ قائم کیا، جہاں آج تقریباً 500 لڑکیاں عمدہ تعلیم حاصل کر رہی ہیں۔
