جنید یونانی دواخانہ کے روح رواں حکیم ڈاکٹر شاہ ضیاء الاسلام نے ای ٹی وی بھارت سے بات کرتے ہوئے کہا کہ موجودہ دور میں عوام یونانی علاج سے متعلق بہت ہی کم دلچسپی رکھتی ہے بلکہ لوگ ایلوپیتھک علاج کی طرف ہی زیادہ تر مائل ہیں
شاہ ضیأ کا کہنا ہے کہ کوئی بھی مرض ہوتو سب سے پہلے ایلوپیتھک علاج کو ہی ترجیح دی جاتی ہے جبکہ یونانی طریقہ علاج سب سے قدیم طبی علاج ہے۔
انہوں نے مزید کہا کہ ان کے دواخانے میں تمام امراض کے لیے دوائیاں دستیاب ہیں خاص کر ذیابیطس کے مریضوں کے لیے یہاں دو اقسام کی گولیاں دی جاتی ہیں جس سے ذیابیطس کے مریضوں کو کافی فائدہ پہنچ رہا ہے۔
انہوں نے کہا کہ اس کی خاص وجہ یہ ہے کہ 'کئی اقسام ہم جڑی بوٹی خود اگاتے ہیں، ان کی دو ایکڑ پر مشتمل زمین پر 103 اقسام کی مختلف جڑی بوٹیاں اگائی جاتی ہیں۔انھوں نے اسے گارڈن کو ہربل گارڈن کا نام دیا گیا ہے۔
انہوں نے کہا کہ ان کے مطب میں کینسر کے مریضوں کے لیے خاص جڑی بوٹی سے تیار کی گئی دوا مفت دی جاتی ہے۔
