ED Raids Houses of PFI Leaders: 'پی ایف آئی ای ڈی کی چھاپہ ماری سے خوفزدہ نہیں'

پاپولر فرنٹ آف انڈیا کے قومی جنرل سکریٹری انیس احمد کا کہنا ہے کہ کیرالہ میں پی ایف آئی کے رہنماؤں کے مکانوں پر انفورسمنٹ ڈائریکٹریٹ ED Raid PFI Leaders' Houses کی جانب سے جو چھاپہ ماری کی گئی ہے اس سے وہ خوفزدہ نہیں ہیں۔

ریاست کیرالہ میں آج ای ڈی کے عہدیداروں نے پاپولر فرنٹ آف انڈیا سے وابستہ رہنماؤں کے مکانوں ED Raids Residences of PFI National Leaders in Kerala پر چھاپہ ماری کی ہے۔

چھاپہ ماری کی کاروائی پر رد عمل کا اظہار کرتے ہوئے پی ایف آئی کے قومی جنرل سکریٹری انیس احمد نے کہا کہ یہ میرے لئے حیران کُن نہیں ہے کیونکہ بی جے پی حکومت نے ای ڈی کے عہدیداروں کو پی ایف آئی کے ارکان کے مکانوں پر چھاپہ مارنے کی ذمہ داری عائد کی ہے۔

انہوں نے مزید کہا وہ بی جے پی کے اس ہتھکنڈے سے ہرگز خوفزدہ نہیں ہیں۔ پاپولر فرنٹ آف انڈیا فسطائ طاقتوں کے خلاف اپنی جدوجہد جاری رکھے گی۔

انہوں نے کہا کہ گزشتہ 2 سالوں سے ای ڈی کی جانب سے چھاپے ماری کی کارروائیوں میں اضافہ ہوا ہے۔

انہوں نے مزیدکہا کہ نہ صرف پاپولر فرنٹ بلکہ بی جے کی غیر دستوری و غیر جمہوری پالیسیوں کے خلاف اٹھانے والے آوازوں کو بھی دبانے کی کوشش کی جارہی ہے ۔