شیواجی نگر اسمبلی حلقے کے ضمنی انتخابات میں اس بار کانگریس کے موجودہ ایم. ایل. سی رضوان ارشد نے اپنے سینئر رہنماوں کی موجودگی میں آج پرچہ نامزدگی داخل کیا۔
جب کہ جے. ڈی. ایس نے تنویر احمد اللہ اور ایس. ڈی. پی. آئی پارٹی نے جے عبد الحنان کو شیواجی نگر کے انتخابی میدان میں اتارا ہے. اور بی. جے. پی امیدوار ساراون نے اپنا پرچۂ نامزدگی داخل کیا ہے۔
خیال رہے کہ گزشتہ تین سے چار انتخابات کے سیاسی نتائج کے مطابق حلقہ کے مسلم طبقہ نے کانگریس کو ایک طرفہ ووٹ دے کر کامیاب کیا تھا، جب کہ بی. جے پی دوسرے اور جے. ڈی. ایس تیسرے نمبر پر رہا کرتی تھی۔
رواں ضمنی انتخابات میں آئ. ایم. اے دھوکہ دہی کے معاملہ میں مبینہ طور پر ملوث سابق رکن اسمبلی روشن بیگ کو کانگریس نے معطل کردیا تھا اور بی. جے. پی نے بھی ان سے کنارہ کشی اختیار کرلی ہے اور حتی الامکاں یہی وجہ رہی کہ انھیں کسی بھی پارٹی نے ٹکٹ نہیں دیا اور وہ اس ضمنی انتخابات میں حصہ نہیں لے سکے۔
رواں ضمنی انتخابات میں یہ دیکھا جارہا ہے کہ کانگریس، جے. ڈی. ایس اور ایس. ڈی. پی. آئی پارٹی نے مسلم امیدواروں کو میدان میں اتارا ہے جب کہ ان سب کے مد مقابل بی جے پی نے ایک غیر مسلم کو امیدار کو میدان میں اتارا ہے۔
اس صورت حال میں مسلمانوں اور سیکولر ووٹوں کے تقسیم ہوجانے کا ڈر ہے کیونہ اس سے براہ راست فائدہ بی جے پی کو ہوگا۔
واضح رہے کہ شیواجی نگر میں کافی بڑے پیمانے پر لوگ آئی این اے دھوکہ دہی کا شکار ہوئے تھے۔ اور لگ بھگ 5000 لوگ اس سے متاثر ہوئے ہیں اور اسی وجہ سے کہا جا رہا ہے کہ عوام اب روشن بیگ سے دور ہوچکی ہے اور یہ دیکھا جارہا ہے کہ آئ. ایم. اے کا معاملہ شیواجی نگر کے اس ضمنی انتخابات میں بڑا اہم ہے۔
اس موقع پر ساراون نے میڈیا سے خطاب کے دوران کہا کہ انہیں سبھی طبقہ کےوں کی حمایت حاصل ہے۔
ایک سوال کے جواب میں انھوں نے کہا کہ انھیں شیواجی نگر اسمبلی کے سابق و نااہل قرار کردہ ایم. ایل. اے روشن بیگ کا ساتھ حاصل ہے یا نہیں ہے، انہوں نے کہا کہ اب تک بی. جے. پی پارٹی کی جانب سے کوئی واضح ہدایات نہیں آئے ہیں تاہم انہوں نے کہا کہ روشن بیگ ان کے اچھے دوست ہیں۔
واضح رہے کہ چند ماہ قبل کانگریس-جے ڈی. ایس کے کل 17 ارکین اسمبلی کانگریس سے استعفی دے کر ریاست میں بی جے پی کے لیے حکومت سازی کا راستہ آسان کردیا تھا۔
جس کے نتیجے بی. جے. پی نے ریست میں حکومت بنائی اور اس وقت کے اسمبلی اسپیکر نے ان 17 ارکان اسمبلی کو نااہل قرار دیا تھا اب انھیں حلقوں میں ضمنی انتخابات کا اعلان کیا گیا۔
کانگریس کی ریلی میں سینئر رہنما و سابق ریاستی وزراء یو. ٹی. قادر، ضمیر احمد خان، کے ہی سی. سی لیڈران عبید اللہ شریف، جی. اے باوا، دیگر اراکین اسمبلی این. اے حارث وغیرہ نے بھی کانگریس کے امیدوار کی ریلی میں شرکت کی۔
