کرناٹک کے ضلع یادگیر میں نیشنل تمباکو کنٹرول پروگرام National Tobacco Control Programme کے انچارج نٹراج نے میڈیا سے بات کرتے ہوئے بتایا کہ تمباکو نوشی کے صحت پر مضر اثرات پڑتے ہیں اور یہ لعنت کئی بار جان لیوا بھی ثابت ہوتی ہے۔
انہوں نے کہا کہ محکمہ صحت کی جانب سے اس طرح کی لعنت میں مبتلا لوگوں کے لیے نیکوٹین ریپلیسمنٹ تھراپی Nicotine Replacement Therapy کے تحت تین ماہ کا خصوصی کورس رکھا گیا ہے، جس سے سگریٹ، گٹکا، بیڑی کی لعنت سے چھٹکارا حاصل کیا جاسکتا Help You Quit Tobacco ہے۔
نٹراج نے کہا کہ ضلع یادگیر کے سرکاری ہسپتال میں اس سلسلہ میں ایک خصوصی کاؤنٹر رکھا گیا ہے جہاں بیڑی، سگریٹ، گٹکا استعمال کرنے والے لوگ پروگرام سے استفادہ حاصل کرتے ہوئے جان لیوا لعنت سے چھٹکارا حاصل کر سکتے ہیں۔
یہ بھی پڑھیں:
انہوں نے بتایا کہ محکمہ صحت کی جانب سے سگریٹ، بیڑی، گٹکا، تمباکو کا استعمال کرنے والے لوگوں کا مفت علاج کیا جاتا ہے جب کہ یہ تین ماہ کا کورس ہے۔ علاج سے بری لعنت سے چھٹکارا حاصل کیا جاسکتا ہے۔
