حج کمیٹی کرناٹک کے نومنتخب چیئرمین رفیع الدین نے ذمہ داری قبول کی

بھارتیہ جنتا پارٹی کو اقتدار میں آنے کے دو سال بعد کرناٹک حج کمیٹی کی قسمت جاگی، جہاں بیدر کے بی جے پی کے رہنما رفیع الدین کچہری والے کو حال ہی میں ہوئے انتخابات میں چیئرمین کے طور پر منتخب کیا گیا تھا۔

آج بنگلور حج بھون میں منعقدہ ایک مختصر اجلاس میں علماء کی موجودگی میں رفیع الدین کچہری والے نے حج کمیٹی کرناٹک کے چیئرمین کی ذمہ داری قبول کی۔

اس موقع پر بات کرتے ہوئے حج کمیٹی کے نئے چیئرمین رفیع الدین کچہری والے نے کہا کہ حاجیوں کی بہترین خدمت کرنا ان کا اہم ایجنڈا ہوگا۔

اس موقع پر نامہ نگاروں سے بات کرتے ہوئے بی جے پی اقلیتی مورچہ کے ریاستی صدر مزمل احمد بابو نے بتایا کہ دیگر اقلیتی ادارے جیسے اقلیتی کمیشن، کرناٹک اردو اکیڈمی، مائناریٹی ڈیوپلوپمنٹ کارپوریشن کی کمیٹیوں کو بھی جلد مکمل کیا جائیگا۔