کرناٹک مسلم متحدہ محاذ Karnataka Muslim Muttahida Mahaz کے ایک وفد نے پولیس چیف ڈی جی پی پروین سود سے ملاقات کی اور ایک تفصیلی یادداشت پیش کی گئی جس میں کہا گیا کہ مذکورہ گاؤں کے مسلمانوں میں عدم تحفظ کا احساس ہے لہذا ان میں اعتماد بحال کرنے کے اقدامات کیے جائیں۔ خاطیوں کے خلاف سخت کارروائی کی جائے اور نفرت انگیز بیاناتHate Speech پر قابو پانے کےلیے بھی اقداما کئے جائیں۔
اس سلسلے میں بات کرتے ہوئے محاذ کے رکن و جماعت اسلامی کرناٹک کے صدر ڈاکٹر محمد سعد بلگامی نے بتایا کہ ڈی جی پی نے وفد کو تیقن دلایا کہ خاطیوں پر اور نفرت پھیلانے والوں کے خلاف سخت کارروائی کی جائے گی اور آئندہ ایسے واقعات رونما نہ ہونے کےلیے بھی اقدامات کئے جائیں گے۔
یہ بھی پڑھیں:
وفد میں سینئر کانگریسی رہنما و ایم ایل سی نصیر احمد، کرناٹک اقلیتی کمیشن کے سابق چیئرمین جی اے باوا و دیگر کئی اہم شخصیات شامل رہے، جنہوں نے ڈی جی پی سے نرگند تشدد اور ریاست میں مسلمانوں و مسیحیوں پر تشدد کے واقعات کی روک تھام سے متعلق بات کی۔
