'بارش کے دنوں میں گھر اور اطراف میں صفائی کا خاص خیال رکھیں'

کرناٹک کے ضلع یادگیر کے تعلقہ شاہ پور کی محکمہ بلدیہ کی چیئرمین شہناز بیگم نے عوام سے اپیل کرتے ہوئے کہا کہ بارش کا موسم شروع ہو چکا ہے، ایسے میں آپ اپنے گھروں کے اطراف میں صفائی کا خاص خیال رکھیں۔

ضلع یادگیر کے تعلقہ شاہ پور کی محکمہ بلدیہ کے چیئرمین شہناز بیگم نے کہا کہ شاہ پور کے 21 بلدیہ حلقوں میں 13 گاڑیوں کے ذریعے محلہ جات میں گھر گھر سے کچرا جمع کرنے کی کوشش کی جا رہی ہے۔

چیئرمین شہناز بیگم نے 21 بلدیہ حلقہ کے تمام عوام سے اپیل کرتے ہوئے کہا کہ وہ اپنے گھروں کا کچرا بلدیہ کی کچرا گاڑی میں ڈالیں۔ بلدیہ کی یہ گاڑیاں ہر روز صبح آپ کے محلہ جات میں گشت کرتی نظر آئیں گے۔ آپ سے گزارش ہے کہ اپنے گھروں اور اطراف میں صاف و صفائی کا خاص خیال رکھیں۔

چیئرمین شہناز بیگم نے مزید کہا کہ 28 جون بروز پیر بلدیہ آفس شاہپور میں ویکسین کیمپ منعقد کیا گیا ہے، آپ تمام سے اپیل کی جاتی ہے کہ ویکسین لگوانے کے لیے اس کیمپ میں شرکت کریں اور اس کیمپ میں آتے وقت آدھار کارڈ ضرور ساتھ لائیں۔