ریاست کرناٹک کے ضلع گلبرگہ میں یوم عاشورہ کے موقع پر عاشور خانوں اور خانقاہ میں ماتم اور مجالس کا اہتمام کیا گیا۔ یہاں کے عاشور خانہ میں شعیہ تنظیم کے جانب سے ماتم و مجالس کا اہتمام کیا گیا۔
اس موقع پر مولانا سید عباس رضوی نے ای ٹی وی بھارت کو بتایا کہ اسلام امن اور بھائی چارے کا پیغام دیتا ہے۔ کربلا میں حضرت امام حسن اور امام حسین نے ظالم کے خلاف اپنے سر کو جھکنے نہیں دیا۔ یہ جنگ حکومت اقتدار یا دولت کیلئے نہیں ہوئی بلکہ باطل کے خلاف ہوئی ہے۔
اسلام کی بقا کے لئے اپنی جانوں کا نذرانہ پیش کر کے ایسی مثال قائم کی جس نے رہتی دنیا تک حق و باطل کے درمیان واضح حد قائم کردی۔
یہ بھی پڑھیں: گلبرگہ: خیالی پینٹنگ حقیقت میں تبدیل
شعیہ طبقے سے جڑے افراد کے لیے عاشورہ سے مراد ماہ محرم کے پہلے وہ دس ایام ہیں۔ جن میں وہ روایتی عزاداری میں حصہ لیتے ہیں۔ امام حسن اور ان کے اقربا کی شہادت پر ہر برس ماہ محرم میں لوگ عزاداری کر تے ہیں۔
