بیدر: کرناٹک کے ضلع بیدر کے معروف عالم دین مولانا محمد عتیق الرحمان ارشادی نقشبندی نے ماہ محرم الحرام کی عظمت بیان کرتے ہوئے کہا کہ ماہ محرم الحرام اسلامی سال کا پہلا مہینہ ہے، یہ حرمت والا مہینہ ہے،اس مہینے کی دس تاریخ کو عاشورہ کے نام سے یاد کیا جاتا ہے۔
Month Of Muharram And Its Blessings
انہوں نے ای ٹی وی بھارت سے بات کرتے ہوئے کہا کہ ماہ محرالحرام کی دس تاریخ کو ہی حضرت آدم علیہ السلام کی توبہ قبول ہوئی تھی، اسی دن حضرت عیسی علیہ السلام آسمان پر اٹھائے گئے تھے، اسی دن حضرت یونس علیہ السلام مچھلی کے پیٹ سے زندہ سلامت باہر آئے، اسی دن لوح و قلم، آسمان و زمین، چاند ستارے اور جنت بنائی گئی اور اسی روز قیامت آئے گی۔
دس محرم الحرام کے دن روزہ رکھنے کی فضیلت کے متعلق مولانا محمد عتیق الرحمان ارشادی نقشبندی نے کہا کہ اللہ کے رسول صلی اللہ علیہ وسلم نے عاشورہ کے روزے سے تعلق سے ارشاد فرمایا ہے کہ ’دو روزے رکھیں، ایک روزہ رکھنا یہودیوں کی نشانی ہے’۔ اس ماہ میں نئے کام یا شادی نہ کئے جانے کے سوال پر انہوں نے کہا کہ یہ غلط تصور ہے۔
مزید پڑھیں:امام حسینؓ کے پیغام امن کو عام کرنے کی ضرورت پر زور
