وزیر اعظم نریندر مودی نے بنگلور کے طالب علم اسٹیون ہیرس کو خط لکھ کران کے ذریعہ بنائی گئی پینٹنگ کی تعریف کی ہے۔
درحقیقت اس 20 سالہ ابھرتے ہوئے فنکار نے ایک خط کے ساتھ وزیر اعظم کی دو خوبصورت پینٹنگزبناکر انہیں بھیجی تھی۔ اس کے جواب میں مسٹر مودی نے خط لکھ کر اسٹیون کی حوصلہ افزائی کی ہے۔
وزیر اعظم نے خط میں لکھا ہے کہ تخلیقی میدان میں نوجوانوں کی لگن اور محنت کو دیکھناانتہائی خوشگوار ہے۔ اس نے اسٹیون کی تعریف کی اور لکھا کہ آپ کی پینٹنگ سے آپ میں چیزوں کوگہرائی سے تجربہ کرنے کی صلاحیت کاپتہ چلتا ہے۔ آپ نے جس باریکی سے لطیف تاثرات کو کینواس پر اتارا ہے، اسے دیکھ کر دل خوش ہوجاتا ہے۔
ساتھ ہی اس خط میں وزیر اعظم مودی نے اسٹیون کے خیالات کی بھی تعریف کی ہے۔ موجودہ وقت میں لوگوں کی اچھی صحت اور خیریت کے تعلق سے اسٹیون کے خیالات کی وزیراعظم نے تعریف کی۔ انہوں نے لکھا، "ویکسینیشن مہم، نظم و ضبط اور 130 کروڑ ہندوستانیوں کی مشترکہ کوششیں اس وبا کے خلاف ہماری لڑائی کو مضبوط کر رہی ہیں۔"
وزیر اعظم نے امید ظاہر کی ہے کہ معاشرے میں مثبتیت پھیلانے کے لیے اسٹیون کی کوششیں دوسروں کو بھی متاثر کریں گی۔
اس سے قبل اسٹیون نے وزیر اعظم مودی کو لکھے گئے ایک خط میں بتایا تھا کہ وہ گزشتہ 15 سالوں سے پینٹنگ کر رہے ہیں اور مختلف سطحوں پر 100 سے زائد ایوارڈ بھی جیت چکے ہیں۔ اسٹیون نے وزیر اعظم مودی کو اپنا انسپریشن بتایا ہے۔ ساتھ ہی اسٹیون نے کورونا کے خلاف جنگ میں ہندوستان کی ویکسینیشن مہم کی بھی تعریف کی تھی۔
یو این آئی
