کرناٹک کے یادگیر شہر میں بجلی کا بار بار آنا جانا لوگوں کے لئے پریشانی کا سبب نتا جا رہا ہے۔ جس کی وجہ سے ویر بھارتی فاؤنڈیشن کی جانب سے محکمہ بجلی کے ایگزیکیٹیو انجینیئر رگھو ویندر کو ایک یادداشت پیش کی گئی۔
اس یادداشت میں مطالبہ کیا گیا کہ دھوپ کے اوقات میں بجلی لین نہ نکالیں۔ بجلی لین کی تبدیلی اور دوسرے دیگر درستگی کے کام محکمہ صبح کے اوقات میں کرے۔
اس موقع پر محکمہ بجلی کے ایگزیکیٹیو انجینیئر رگھوویندر نے ای ٹی وی بھارت سے بات کرتے ہوئے بتایا کہ شہر یادگیر میں بجلی لین پر کام چل رہا ہے اس لیے کچھ اوقات کے لیے بجلی روک دی جاتی ہے ویسے شیڈ ڈاؤن نہیں ہے۔
انہوں نے کہا کہ غیر موسمی بارش اور تیز ہواؤں کے اوقات بجلی لائن نکالی جاتی ہے یہ سب کو معلوم ہے۔ انہوں نے مزید کہا کہ آن لائن بجلی بل ادا کرنے کی سہولت دی گئی ہے اس کے علاوہ کاؤنٹر بھی چالو رہیں گے جہاں بل ادا کر سکتے ہیں۔
