کووڈ 19 کی وجہ سے کرناٹک ۔ مہاراشٹر سرحد پر سخت نگرانی

عالمی وبا کووڈ 19 کے تیزی سے پھیلنے کی وجہ سے کرناٹک کے شہر گلبرگہ میں واقع ضلع الند سے متصل مہارشٹر سرحد پر پولیس کا سخت پہرہ ہے اور لوگوں کی سختی سے چانچ پڑتال کی جا رہی ہے۔

مہاراشٹر میں ایک بار پھر عالمی وبا کووڈ 19 کے تیزی کے ساتھ پھیلنے کی وجہ سے گلبرگہ ضلع میں بھی وبا کے پھیلنے کے خدشات پر قد غن لگانے کے لیے کوششیں کی جا رہی ہیں۔

اس کارروائی میں الند ضلع کے نمبال گاؤں میں بھی کووڈ 19 کے منفی ہونے کی رپورٹ کے ساتھ سفر کرنے والوں کو ہی داخل ہونے کی اجازت دی جا رہی ہے۔

اس تعلق سے افسران کو سخت ہدایات دی گئی ہے۔ مادن ہپر گہ کی پی ایس آئی اندومتی نے پولیس عہدیداروں کو اس معاملے میں سختی برتنے کی خصوصی ہدایت دی ہے۔

نمبال میں قائم کردہ چیک پوسٹ کا دورہ کر کے پولیس کمشنر اندومتی نے کہا کہ مہاراشٹر کی سرحد سے گلبرگہ کی طرف آنے والی ہر موٹرگاڑی کے بارے میں ریکارڈ رکھا جائے کہ وہ کہاں سے آرہے ہیں۔

یلسنگی پرائمری ہیلتھ سینٹر کے میڈیکل آفیسر ڈاکٹر عثمان نے معائنہ کر کے اسٹاف کو ہدایت دی کہ وہ مہاراشٹر سے آنے والے ہر ایک شخص کا معانئہ کریں اس کے بعد ہی ان کو آگے بڑھنے کی اجازت دی جائے۔