ریاست کرناٹک کے ضلع بیدر کے مستحب پورا کے علاقے میں واقع سرکاری اقلیتی تعلیمی ادارہ مولانا آزاد انگریزی میڈیم اسکول میں داخلوں کا آغاز ہو چکا ہے، مذکورہ تعلیمی ادارہ میں مسلم، عیسائی، جین بودھ اور دیگر اقلیتی برادری سے تعلق رکھنے والے افراد کے بچوں کے لیے حکومت کی جانب سے انگریزی میڈیم میں تعلیم دی جا رہی ہے۔
اسکول کے نگران کار محمد نبی نے میڈیا سے بات کرتے ہوئے بتایا کہ مستحب پورہ میں واقع سرکاری اقلیتی ادارہ مولانا آزاد انگریزی میڈیم اسکول میں داخلوں کا آغاز ہوا ہے، اس اسکول میں بچوں کو کاپی ،کتابیں، کھانا، بیگ، جوتے، اور یونیفارم مفت دیے جاتے ہیں۔
مزید پڑھیں:بیدر: مولانا آزاد ماڈل اسکول میں داخلے شروع
انہوں نے کہا کہ قابل اور تجربہ کار اساتذہ اس ادارے کو کامیابی کے ساتھ چلا رہے ہیں، حکومت کی جانب سے اقلیتوں کو دی جانے والی اس سہولت کا فائدہ اٹھاتے ہوئے اپنے بچوں کو اس انگریزی میڈیم اسکول میں شریک کروائیں
