ریاست کرناٹک گلبرگہ شہر میں رکن اسمبلی کنیز فاطمہ کی جانب سے اے این بینکیٹ فنکشن حال میں منعقدہ دعوت افطار میں کانگریس کے راجیہ سبھا رکن میلکا ارجن کھرگے، ایم پی ناصر حسین، کے پی سی سی کے یوتھ صدر حارث اور کانگریس ایم ایل اے، ایم ایل سی سمیت متعدد کانگریس کارکنان نے شرکت کی۔ اس موقع ملیکارجن کھرگے نے کہا کہ عوام ذات پات کی سیاست سے دور رہیں۔ بی جے پی ملک میں ذات پات کی سیاست کررہی ہے، بی جے پی کرناٹک میں بھی ہندو مسلم کے نام پر سیاست کررہی ہے۔ عوام ان کی باتوں میں نہ آئیں۔ یہاں پر ہر مذہب کے عوام موجودہ ہیں۔ کبھی بھی کسی مذہب کی توہین نہ کر یں بلکہ تمام مذاہب کی عزت کریں۔
انہوں نے کہا کہ 'ہر ایک مذہب کا اپنا ایک اصول ہوتا ہے۔ ہر ایک کو اپنے مذہب کے تحت عمل کرنا پڑتا ہے۔ ماہ رمضان بھی مسلمانوں کے لیے مقدس ہے۔ اس لیے مسلمان اپنے مذہب کی پوری طرح سے پابندی کرتے ہیں۔ اس لیے آج ہم تمام مذاہب کے لیڈران نے اس دعوت افطار میں شرکت کرکے یہاں کی بھائی چارگی اور قومی یکجہتی کو برقرار رکھنے کی کوشش کی ہے۔ Mallikarjun Kharge Attended Iftar Party
