ریاست کرناٹک کے گلبرگہ شہر میں 'گلبرگہ ضلع لاری یونین ایسوسی ایشن' کی جانب سے ضلع کمشنر آفس کے سامنے احتجاج کیا گیا۔ اس موقع پر گلبرگہ ضلع لاری ایسوسی ایشن کے نائب صدر محمد یونس خان نے ای ٹی وی بھارت سے بات کرتے ہوئے کہا کہ ملک بھر میں کورونا وبا کی وجہ سے تین مہینوں سے ٹرانسپورٹ سروس بند ہے۔ جس کی وجہ سے لاری مالکان کو کئی مشکلات کا سامنا کرنا پڑ رہا ہے۔
انہوں نے بتایا کہ ایسے حالات میں گاڑیوں کا ای ایم آئی جمع کرنا بہت مشکل ہورہا ہے۔ بینکوں میں لاری مالکان کو ڈبل سود ادا کرنا پڑرہا ہے۔
انہوں نے کہا کہ ڈیزل کی قیمت میں اضافہ ہونے کے باوجود بھی گاڑیوں کے کرایہ میں اضافہ نہیں ہورہا ہے۔ ایسے حالات میں مالکان کا گزارا کیسے ہوسکتا ہے۔
انہوں نے حکومت سے مطالبہ کرتے ہوئے کہا کہ لاری مالکان کو گاڑیوں کا لون بنا سود کے جمع کر نے کی سہولیات فراہم کی جائے تاکہ ان کی پریشانی تھوڑی کم ہو سکے۔
یہ بھی پڑھیں: 'بھارتی افواج ہر چیلنج کا مقابلہ کرنے کی اہل'
واضح رہے کہ ٹرانسپورٹ سروس کے کرائے میں اضافہ کر نے اور دیگر مطالبات کو پورا کر نے کا مطالبہ کرتے ہوئے ریاستی اور مرکزی حکومت کو میمورنڈم بھی پیش کیا گیا۔
