کرناٹک کے ضلع بیدر میں محکمہ بلدیہ ملازمین کی جانب سے نالیوں کی بروقت صفائی نہ ہونے کے سبب شہر کے مختلف علاقوں میں کچرے کا انبار نظر آرہا ہے جنتادل سیکولر پارٹی کے قائد شیخ اظہر نےای ٹی وی بھارت سے گفتگو کرتے ہوئے بتایا کہ شہر کے مختلف علاقوں میں کچرے کا انبار ہے۔محکمہ بلدیہ کی جانب سے نالیوں کی صفائی وقت پر نہ ہونے کی وجہ سے نالیاں کچرے سے بھر گئی ہیں۔ بعض جگہوں پر نالیوں سے نکالا ہوا کچرا جلد نہ اٹھانے پر وہاں حالت مزید بگڑ سكتی ہے۔local residents face trouble beacuse of garbage
انہوں نے كہاكہ ان علاقوں میں جانوروں کی وجہ سے دوبارہ نالیوں میں جارہا ہے۔اس کی وجہ سے نالیاں بند ہو رہی ہے۔شہر میں مسلسل بارش کے بعد مختلف علاقوں كی سڑکوں کی حالت خستہ ہے ۔اس صورت میں نالیوں کی صفائی نہایت ضروری ہے۔
یہ بھی پڑھیں:Karnataka Hijab Row منگلور میں سولہ فیصد مسلم طالبات نے کالج سے ٹی سی واپس لیا
شیخ اظہر نے محکمہ بلدیہ کے کمشنر کامڈے سے اپیل کرتے ہوئے کہا کہ شہر کے مختلف جگہوں پر پڑے کچرے کو جلد از جلد اٹھایا جائے اور نالیوں كی صفائی كا كام مكمل كرائے جائے تاكہ عام لوگوں كو پریشانیوں سے نجات مل سكے۔ شیخ اظہر نے رکن اسمبلی بیدر رحیم خان سے بھی شہر کے مختلف علاقوں كی صاف صفائی کا جائزہ لینے کی اپیل کی۔ان كاكہنا ہے كہ ذمہ داران كو اپنی اپنی ذمہ داری بخوبی نبھانے كی ضرورت ہے۔ ان كے ذمہ داری نبھانے سے ہی عام لوگوں كی پریشانیاں دور ہو سكتی ہے۔عام لوگوں كو ان سے بڑی امیدہے اور انہیں اس پر كھرا اترنے كی ضرورت ہے۔
