قبل ازیں اسوسی ایشن کی جانب سے ایسے کئی ماحول دوست اقدامات کئے گئے ہیں جن میں سولار پاور، سب ایئر سسٹم اور بائیو گیاس جیسے اقدامات شامل ہیں۔
شریڈنگ مشین کا افتتاح اسوسی ایشن کے صدر روجر بنی نے کیا جبکہ تاریخی اسٹیڈیم میں اس مشین کو فضلا کی بہتر انداز میں نکاسی اور ماحولیات کے تحفظ کےلیے نصب کیا گیا۔
اس موقع پر روجر بنی نے کہا کہ ایک اور ماحول دوست اقدام کے تحت ہم اسٹڈیم میں پلاسٹک کی بوتلیں لانے پر پابندی عائد کرنے پر بھی غور کر رہے ہیں۔
انہوں نے بتایا کہ اگر ہم اسٹیڈیم کو پلاسٹک بوتلوں سے پاک کردیں تو 85 فیصد پلاسٹک پر مشتمل کچرے سے نجات مل جائے گی۔
شریڈر مشین کو ریلائنس انڈسٹریز نے اسپاونسر کیا ہے اور بائیوکرس انڈیا نے مشین نصب کرنے کےلیے اسوسی ایشن کی مدد کی ہے۔
اندازہ کے مطابق مشین سے ایک سال میں تقریباً 4 لاکھ پلاسٹک کی بوتلوں کے فضلا کو استعمال کرتے ہوئے ٹوپی، شرٹس، اسپورٹس شوز جیسے اشیا تیار کرنے میں مدد ملے گی۔
روجر بنی نے کہا کہ اسوسی ایشن کا یہ اقدام ساری ریاست کےلیے مشعل راہ ہے جبکہ ہمارا یہ ماحول دوست اقدام ریاست کو صاف ستھرا بنانے کےلیے بہتر کارکرد ثابت ہوگا۔
انہوں نے کہا کہ ایسے پروگرامس سے بچوں میں بھی شعور بیداری کی جاسکتی ہے اور ہمیں امید ہے کہ کرناٹک کرکٹ اسوسی ایشن کے ان ماحول دوست اقدام کے بہتر نتائج سامنے آئیں گے۔
