درزی کی منفرد پہل، 6000 ماسک مفت میں دینے کے لیے تیار

وائی یو خان گزشتہ 12 برس سے چنداکواڑی میں درزی کی حیثیت سے کام کر رہے ہیں اور وہ اس پیشے سے منسلک رہ کر سماجی خدمات انجام دے رہے ہیں۔

کرناٹک کے چمراج نگر چنداکواڑی گاؤں میں ایک درزی نے 6000 طلبا کو مفت ماسک دینے کی پیشکش کی ہے۔ درزی وائی یو خان نے چھ ہزار ماسک خریدے ہیں۔ ایس ایس ایل سی کلاسز آج سے شروع ہو رہی ہیں اور وہ طلبا میں تقسیم کرنے کی تیاری کر رہے ہیں۔

ٹیلر 6000 ماسک طلبا میں مفت تقسیم کریں گے۔ وائی یو خان پچھلے 12 برس سے چنداکواڑی میں درزی کی حیثیت سے کام کر رہے ہیں اور وہ اس پیشے سے منسلک رہ کر سماجی خدمات انجام دے رہے ہیں۔ انہوں نے اب اپنی خدمات کو تعلقے کے 30 اسکولوں تک بڑھایا ہے، وہ صرف 100 روپے میں اسکولز یونیفارم کی سلائی کرتے ہیں۔

خان صرف سرکاری اسکولوں کے لیے رعایتی قیمت پر یونیفارم سلائی کرتے ہیں۔ نجی اسکولوں کے لیے معمولی قیمت وصول کرتے ہیں۔ اس کے علاوہ، 10 غریب طلبا کو مفت میں یونیفارم فراہم کرتے ہیں۔