ریاست کرناٹک کے دارالحکومت بنگلور میں بھارتیہ جنتا پارٹی کو حکومت تشکیل دیے ہوئے ایک برس گزر چکا ہے اور وزارت اقلیتی بہبود سمیت دیگر وزارتوں کی توسیع بھی کی کردی گئی ہے۔
واضح رہے کہ ایک برس کے اس مدت کے دوران محکمہ اقلیتی بہبود سے متعلق اداروں کی خصوصاً اردو اکادمی کی تشکیل نہیں ہو پائی ہے۔
اس سلسلے میں ریاست کے متعدد اضلاع سے اردو دانوں کی آوازیں آٹھ رہی ہیں اور بھارتیہ جنتا پارٹی کی حکومت پر الزام لگایا جارہا ہے کہ وہ اقلیتی زبانوں سے سوتیلا رویہ اختیار کیے ہوئے ہے۔
اس موضوع پر ای ٹی وی بھارت سے بات کرتے ہوئے کرناٹک اقلیتی کمیشن کے چئیرمین عبد العظیم نے بتایا کہ کورونا وائرس کی وبا کے پیش نظر حکومت اپنی ساری قوت کووڈ-19 کے خلاف جنگ میں صرف کررہی ہے، اسی وجہ سے اردو اکادمی کی تشکیل ممکن نہ ہوسکی۔
عبد العظیم نے بتایا کہ نہ صرف اردو اکادمی کی تشکیل بلکہ اقلیتی کمیشن کے ارکان اور مائناریٹی ڈیویلوپمینٹ کارپوریشن کے ڈائریکٹرز کی تقرری بھی جلد ہی عمل میں آئے گی، کیوں کہ اس کے متعلق تمام تیاریاں مکمل ہوچکی ہیں۔
