بنگلور: کرناٹک ایس ایس ایل سی کے نتائج کا جمعرات کو اعلان کیا گیا جس میں 8,73,846 طلباء میں سے %85.63 نے امتحان پاس کیا۔ امسال ریاست میں کل 8,53,436 طلبہ و طالبات نے دسویں کا امتحان دیا جن میں کل 3,72,279 لڑکیوں اور 3,58,602 لڑکوں نے کامیابی حاصل کی۔ کرناٹک میں دسویں جماعت میں ہر بار کی طرح اس بار بھی لڑکیوں نے بہتر نتائج لائے ہیں۔ Karnataka SSLC Results Announced
کرناٹک ایس ایس ایل سی کے امتحانات 28 مارچ سے 11 اپریل 2022 تک منعقد کیے گئے تھے۔ کل 8,53,436 طلبا کرناٹک کلاس 10 کا نتیجہ 2022 آن لائن دیکھ سکتے ہیں۔ وہ اپنے رجسٹریشن نمبر اور تاریخ پیدائش کی مدد سے کرناٹک ایس ایس ایل سی 2022 کا نتیجہ دیکھ سکتے ہیں۔
مجموعی طور پر 7,30,881 طلباء پاس ہوئے ہیں اور پاس ہونے کا پرسنٹیج %85.63 ہے۔ اس کے ساتھ ہی کرناٹک ایس ایس ایل سی سپلیمنٹری امتحان 2022 کی تاریخ کا اعلان بھی ہوچکا ہے۔ کرناٹک بورڈ کے ایس ایس ایل سی امتحانات 2022 میں ناکام ہونے والا طالب علم 27 جون 2022 کو ایس ایس ایل سی کے ضمنی امتحان میں بیٹھ سکتا ہے۔ باقی طلباء جو زیادہ مضامین میں فیل ہوئے ہیں انہیں سال دہرانا ہوگا اور دوبارہ ایس ایس ایل سی امتحان میں شرکت کرنی ہوگی۔
