کرناٹک: یادگیر میں 17 مئی تک دفعہ 144 نافذ

ریاست کرناٹک کے ضلع یادگیر کے شورا پور تعلقہ میں دو لوگوں کے کورونا سے متاثر پائے جانے کے بعد ضلعی انتظامیہ کی جانب سے حکم جاری کیا گیا ہے کہ ضلع میں 17 مئی تک دفعہ 144 نافذ رہے گا۔

ضلع یادگیر کے تعلقہ جات گرمٹکل، شاہ پور، وڈگرہ، ہنسگی، میں دفعہ 144 نافذ رہے گا۔ تو وہیں یادگیر کے تعلقہ شورا پور کے آثار محلہ وارڈ نمبر 10 کو مکمل طور پر سیل کردیا گیا ہے۔

واضح رہے کہ گجرات کے احمد آباد سے آنے والے چار لوگوں میں سے دو لوگوں کی کورونا وائرس سے متاثر رپورٹ آنے کے بعد یہ احتیاطی اقدامات ضلعی انتظامیہ کی جانب سے کیے گئے ہیں۔

وہیں باقی دو لوگوں کی جانچ رپورٹ منفی آئی ہے۔ ساتھ ہی کرونا وائرس سے متاثر دونوں مریضوں کو یادگیر کے نئے سرکاری ہسپتال میں منتقل کیا گیا ہے۔