کرناٹک روڈ ٹرانسپورٹ کارپوریشن ملازمین کی ہڑتال ریاست بھر میں چوتھے دن بھی جاری ہے۔ کرناٹک روڈ ٹرانسپورٹ کارپوریشن کے ملازمین نے اپنی تنخواہ میں 6 ویں پے کمیشن کے مطابق اضافہ کر نے کا مطالبہ کر رہے ہیں۔ کارپوریشن کے ملازمین ریاست بھر میں 7 اپریل کو بس سروس کو بند کر کے حکومت کے خلاف ہڑتال شروع کی تھی۔ ہفتے کے روز یہ ہڑتال چوتھے دن بھی جاری ہے۔
چند بسیں دوڑائے جانے کے علاوہ ہفتے کے روز بھی مسافرین کو نجی بس اور گاڑیوں میں سفر کرنا پڑا۔سٹی ٹرانسپورٹ ادارے کی بسیں شہر کے چند روٹس پر ہی چلائی گئی۔ نجی بسیں جیپ کے ساتھ اسکول بسوں کو سنٹرل بس اسٹینڈ کے احاط میں دیکھا گیا۔
گلبرگہ، جیورگی، شاہ پور، پہلے تعلقہ مراکز پر روانہ ہو کر رکے ہوئے جیپ ڈرائیورس مسافرین کو پکار پکار کر بلاتے دیکھے گئے۔ ہفتے کو مسافرین کی تعداد زیادہ نہیں تھی۔کورونا وائرس کے خوف اور شادیوں کے موسم کی وجہ سے مسافروں کی کمی دیکھی گئی ہے۔
