بنگلور: کرناٹک کے بنگلور شہر کے مضافات میں واقع ایک ریزورٹ میں کانگریس کے تقریباً 500 لیڈران کی موجودگی میں 'نوا سنکلپا شبیرا' کا منعقد کیا گیا، جس میں اس بات پر غور کیا گیا کہ آنے والے اسمبلی انتخابات کے پیش نظر، کیا حکمت عملی اختیار کی جائے۔ اس دو روزہ سیشن میں سرکردہ لیڈروں نے اپنے عہدیداروں اور کارکنوں سے پارٹی ڈسپلن کی پابندی کرنے اور متحد ہو کر کام کرنے کی تاکید کی، جس کا مقصد پوری ریاست بھر مین 150 سے زیادہ سیٹیں حاصل کر کانگریس کو دوبارہ اقتدار میں لانا ہے۔Karnataka Congress Organizes Nava Sankalpa Shibira
کانگریس پارٹی کے کرناٹک انچارج رندیپ سنگھ سرجے والا، ریاستی کانگریس صدر ڈی کے شیوکمار، کانگریس لیجسلیچر پارٹی لیڈر اور سابق وزیر اعلیٰ سدارامیا کے ساتھ ریاست کے پارٹی کے سرکردہ لیڈران نے اس اجلاس میں حصہ لیا۔ اس موقع پر سرجے والا نے اپنے افتتاحی خطاب میں کہا 'سب سے پہلے ہمیں پارٹی کو اقتدار میں لانے کی ضرورت ہے، 150 سے زیادہ سیٹوں کا ہدف حاصل کرنے کی ضرورت ہے، تب ہی ہم آپ میں سے ہر ایک کو اور آپ کے ذریعے کرناٹک کے لوگوں کو بااختیار بنا سکیں گے۔'
سرجے والا نے یقین دلایا کہ میٹنگ میں ہونے والی بات چیت آنے والے وقت میں کرناٹک میں کانگریس کی جیت کی راہ ہموار کرے گی۔ انہوں نے یہ بھی کہا کہ اگلے سال اسمبلی انتخابات اور 2024 کے لوک سبھا انتخابات سے ہم آہنگی کے لیے ایک ریاستی سطح کا وار روم قائم کیا جائے گا، جو اسے پی سی سی میں ایک مستقل خصوصیت بنائے گا۔ شیوکمار نے لیڑران و کارکنان سے کہا کہ وہ میٹنگ میں ہونے والی بات چیت کے بارے میں میڈیا سے گفتگو نہ کریں اور خلاف ورزی کی صورت میں خاطیوں کے خلاف کارروائی کی جائے گی۔
انہوں نے کہا 'کانگریس صرف اقتدار میں آنے کے لیے جیتنا نہیں چاہتی، لیکن ریاست کے لوگوں کو زندہ و پر امن رہنے کے لیے یہ ضروری ہے کہ بی جے پی کو اقتدار سے نکال پھینکنا ہوگا۔
یہ بھی پڑھیں:
Congress Digital Membership: کرناٹک میں کانگریس کی ڈیجیٹل ممبر شپ
