عالمی وبا کورونا وائرس سے سنگین طور پر جوجھ رہے کرناٹک میں گزشتہ 24 گھنٹوں کے دوران 6317 نئے معاملے سامنے آنے کے بعد متاثرین کی تعداد پیر کو بڑھ کر تقریباً 2.34 لاکھ ہوگئی،لیکن راحت کی بات یہ ہے کہ ان میں سے تقریباً 64 فیصد مریض صحت یاب ہوچکے ہیں۔
سرکاری ذرائع کے مطابق ریاست میں متاثرین کی مجموعی تعداد 233283 ہوگئی ہے۔اس دوران 7071 مریضوں کے صحت یاب ہونے سے انفیکشن سے نجات پانے والوں کی تعداد 148562 ہوگئی ہے۔شفایاب ہونے والے مریضوں کی شرح بڑھ کر آج 63.68 فیصد ہوگئی جو اتوار کو 62.34 فیصد تھی۔
اسی عرصے میں مزید 115 مریضوں کی موت ہونے سے اموات کی تعداد بڑھ کر 4062 ہوگئی ہے۔
راحت کی بات یہ ہے کہ ریاست میں سرگرم معاملوں میں 869 مریضوں کی کمی درج کی گئی ہے۔آج ریاست میں فعال معاملے کم ہوکر 80643 ہوگئے جو اتوار کو 81512 تھے۔
قابل ذکر ہے کہ کرناٹک انفیکشن کے معاملہ میں پورے ملک میں چوتھے مقام پر ہے۔
