کمارا سوامی نے گورنر وجو بھائی والا کو اپنا استعفی پیش کیا جسے گورنر نے منظور کرلیا ہے۔
گورنر نے کمارا سوامی کا استعفی منظور کرنے کے ساتھ ہی ان سے اگلا بندوبست ہونے کارگزار وزیراعلی کی حیثیت سے اپنے عہدے پر برقراررہنے کی درخواست کی ہے ۔لیکن اس دوران ان سے پالیسی سے متعلق کوئی فیصلہ نہ کرنے کو کہاہے ۔
اسمبلی میں شکست کے بعد کمار سوامی نے گورنرہاؤس جاکر مسٹر وجوبھائی والا کو اپنا استعفی پیش کردیا۔ان کے ساتھ نائب وزیراعلی جی پرمیشور ،آبی وسائل کے وزیر ڈی کے شیوکمار اور کچھ دیگر وزرابھی تھے ۔
ریاست میں کانگریس اور جنتادل ایس کی مخلوط حکومت 23مئی 2018کو قائم ہوئی تھی اور ٹھیک 14ماہ بعد یہ حکومت گرگئی ۔
