بنگلور: کرناٹک کے بنگلور میں بھارتیہ جنتا پارٹی (بی جے پی) کے رکن اسمبلی مدل ویروپکشپا کے بیٹے کو 40 لاکھ روپے کی رشوت لیتے ہوئے گرفتار کیا گیا ہے۔ شریاس کشیپ کیمیکل نامی کمپنی کے ایک پارٹنر کی طرف سے درج کرائی گئی شکایت کے مطابق، لوک آیکت میں مدل ویروپکشپا اور ان کے بیٹے پرشانت سمیت چھ لوگوں کے خلاف ایف آئی آر درج کی گئی ہے۔ جس میں مدل ویروپکشپا، ایم ایل اے کا بیٹا پرشانت مدل، سریندر آفس اکاؤنٹنٹ، پرشانت مدل کا رشتہ دار سدھیش، پانچواں اور چھٹا ملزم کرناٹک اروماس کمپنی کے ملازمین البرٹ نکولا اور گنگادھر شامل ہیں۔ان تمام کے خلاف ایف آئی آر درج کر لی گئی ہے۔ اطلاعات کے مطابق، بی جے پی کے رکن اسمبلی ویروپکشپا فرار ہوگئے اور لوک آیکت پولیس ان کی تلاش کر رہی ہے۔ تاہم، اس سے پہلے، ویروپکشپا نے جمعہ کو کرناٹک سوپ اینڈ ڈٹرجنٹ لمیٹڈ (KSDL) کے چیئرمین کے عہدے سے استعفیٰ دے دیا تھا۔ ان کا استعفیٰ ان کے دوستوں نے وزیراعلیٰ آفس کو بھجوا دیا تھا۔ بی جے پی ایم ایل اے نے اپنے استعفی میں کہا کہ لوک آیکت کے چھاپے کا مجھ سے کوئی تعلق نہیں ہے۔ یہ میرے خاندان کے خلاف سازش ہے۔ اخلاقی بنیادوں پر استعفیٰ دے رہا ہوں۔
اس معاملے پر سابق وزیر اعلیٰ سدارامیا سمیت متعدد کانگریس لیڈروں مفرور بی جے پی رہنما کی گرفتاری کا مطالبہ کرتے ہوئے احتجاج کیا۔ پولیس نے بنگلورو میں کرناٹک حکومت کے خلاف احتجاج کے دوران سدارامیا سمیت دیگر کانگریس رہنماؤں کو حراست میں لے لیا۔ کانگریس رہنما بی جے پی ایم ایل اے مادل ویروپکشا کی گرفتاری کا مطالبہ کر رہے تھے جن کا بیٹا رشوت لیتے ہوئے پکڑا گیا تھا۔ بعد ازاں لوک آیکت کے چھاپے میں ان کے گھر سے 6 کروڑ روپے بھی برآمد کیے گئے تھے۔
-
#WATCH | Several Congress leaders including former CM Siddaramaiah detained by Police during their protest against the Karnataka govt in Bengaluru demanding the arrest of BJP MLA Maadal Virupaksha whose son was caught taking bribe pic.twitter.com/3x8aJsk3WU
— ANI (@ANI) March 4, 2023 " class="align-text-top noRightClick twitterSection" data="
#WATCH | Several Congress leaders including former CM Siddaramaiah detained by Police during their protest against the Karnataka govt in Bengaluru demanding the arrest of BJP MLA Maadal Virupaksha whose son was caught taking bribe pic.twitter.com/3x8aJsk3WU
— ANI (@ANI) March 4, 2023 ">#WATCH | Several Congress leaders including former CM Siddaramaiah detained by Police during their protest against the Karnataka govt in Bengaluru demanding the arrest of BJP MLA Maadal Virupaksha whose son was caught taking bribe pic.twitter.com/3x8aJsk3WU
— ANI (@ANI) March 4, 2023
سابق وزیر اعلیٰ و کانگریس کے سینئر لیڈر سدارامیا نے کہا کہ ایم ایل اے کے بیٹے کی جانب سے رشوت کا مطالبہ ریاست میں 40 فیصد کمیشن والی حکومت کے کام کرنے کا ثبوت ہے۔ سدارامیا نے کہا کہ جب بھی ہم نے کہا کہ بڑے پیمانے پر بدعنوانی ہے اور ٹھیکیداروں سے 40 فیصد کمیشن کا مطالبہ کیا جاتا ہے، وزیر اعلیٰ نے ہم سے تفصیلات پیش کرنے کو کہا۔ انہوں نے سوال کیا کہ کیا یہ اس بات کا ثبوت نہیں ہے کہ ریاست میں 40 فیصد کمیشن کی حکومت کام کر رہی ہے؟ کانگریس کے ریاستی صدر ڈی کے شیوکمار نے کہا کہ یہ واقعہ اس بات کا ثبوت ہے کہ موجودہ بی جے پی حکومت 40 فیصد کمیشن والی حکومت ہے، بومئی نے کہا کہ کانگریس کے اراکین اسمبلی اور وزراء کے خلاف بدعنوانی کے کئی الزامات ہیں، لیکن انہوں نے انسداد بدعنوانی بیورو بناکر اسے چھپایا۔ انہوں نے یہ بھی کہا کہ کانگریس حکومت کے دوران بدعنوانی کے کئی معاملات لوک آیکت کو سونپے گئے ہیں، جن کی جانچ ہوگی اور سچائی سامنے آئے گی۔
قابل ذکر ہے کہ چنناگیری کے بی جے پی ایم ایل اے اور کرناٹک سوپ اینڈ ڈٹرجنٹ لمیٹڈ (کے ایس ڈی ایل) کے صدر مدل ویروپکشپا کے بیٹے پرشانت مدل کو لوک آیکت پولیس نے ایک ٹھیکیدار سے 40 لاکھ روپے کی رشوت لیتے ہوئے پکڑا تھا۔ الزام ہے کہ اس نے یہ رقم اپنے والد کے نام پر لی تھی۔ لوک آیکت افسر نے بتایا کہ جمعہ کی صبح 4 بجے تک تلاشی لینے کے بعد لوک آیکت افسران نے پرشانت مدل، ان کے رشتہ دار سدھیش، اکاؤنٹنٹ سریندر، نکولس اور گنگادھر کو گرفتار کیا ہے۔
