بیدر: ریاست کرناٹک بی جے پی کے ایگزیکٹیو ممبر اور ڈاکٹر گروپدپا ناگاماراپلی فاؤنڈیشن کے صدر سوریا کانت ناگاماراپلی نے حکومت سے مطالبہ کیا ہے کہ وہ کسانوں کو فوری طور پر مناسب معاوضہ فراہم کرے جنہیں ژالہ باری کی وجہ سے فصلوں کے نقصان کا سامنا کرنا پڑا ہے۔ بیدر کے مرکل گاؤں کے اپنے دورے کے دوران ناگاماراپلی نے فصلوں کے نقصان کا معائنہ کیا اور بتایا کہ فصلوں کے نقصان کی وجہ سے کسان متاثر ہو رہے ہیں۔ ژالہ باری کے سبب آم، باغبانی فصلیں، مکئی، سبزیاں اور دیگر شامل ہیں۔ فصلوں کے نقصان کی وجہ سے کسان تباہ و برباد ہو گئے ہیں اور زراعت و دیگر محکموں کے افسران سے نقصان کا سروے کرنے اور حکومت کو رپورٹ بھیجنے کی درخواست بھی کی گئی ہے۔
محکمہ زراعت کے ڈائریکٹر کے ساتھ اپنے موبائل فون پر بات چیت کے دوران مسٹر ناگاماراپلی نے ڈائریکٹر کو ژالہ باری سے فصلوں کے نقصان کے بارے میں جانکاری دی۔ اس سلسلے میں فورا سروے کرایا جائے۔ جن کسانوں کی فصلیں تباہ ہوئی ہیں انہیں معاوضہ دیا جائے۔ جواب میں ڈائریکٹر نے یقین دہانی کرائی کہ قواعد کے مطابق سروے کرایا جائے گا اور متاثرین کو معاوضہ دیا جائے گا۔
یہ بھی پڑھیں:Contract Workers Strike in Bengaluru بنگلورمیں میونسیپلٹی کارپوریشن کے کانٹریکٹ ملازمین کا دھرنا
کسان رہنما شنکر نے بھی ڈائریکٹر زراعت سے بات کی اور کسانوں کی حالت زار کی وضاحت کی۔ انہوں نے کہا کہ کسانوں کو وقت پر معاوضہ مل جاتا ہے تو انہیں کچھ کم نقصان کا سامنا کرنا پڑ سکتا ہے۔گاؤں کے کئی لیڈران اور کسان جن میں چنایا سوامی، کماشٹی، رمیش، پرشانت، ستیش، مسٹر ناگاماراپلی کے دورے کے دوران موجود تھے۔
