بیدر:ریاست کرناٹک میں اگلے ماہ مئی میں ہونے والے اسمبلی انتخابات 2023 کے مدنظر سیاسی جماعتوں کی تیاریاں زور شور سے جاری ہے۔تمام سیاسی جماعتوں کی جانب سے تشہیری مہم تیزی لائی گئی ہے۔حکمراں جماعت بی جے پی اور کانگریس کے درمیان اس مرتبہ دلچسپ اور سنسنی خیز مقابلے کا امکان ہے۔ اسی درمیان مختلف پارٹیوں کے امیدواروں کی جانب سے پرچہ نامزدگی کا سلسلہ جاری ہے۔ بیدر ضلع کے چھ اسمبلی حلقوں سے 17 امیدواروں ہے پرچہ نامزدگی داخل کئے۔
کرناٹک اسمبلی انتخابات 2023 کیلئے گذشتہ 13 اپریل سے پرچہ نامزدگیوں کا سلسلہ جاری ہے۔ ریاست کے بیدر ضلع میں 6 حلقہ جات آتے ہیں جس میں بیدر شمال، بیدر جنوب، ہمناآباد، اوراد، بسواکلیان، بھالکی شامل ہیں۔ ان تمام اسمبلی حلقوں میں قسمت آزمانے والے امیدواروں نے پرچہ نامزدگی کی۔ بیدر ضلع کے 6 اسمبلی حلقوں سے پرچہ نامزدگی کرنے والوں میں بسواکلیان قانون ساز اسمبلی حلقے سے بھارتیہ جنتا پارٹی کے امیدوار شرن بسپا بابو، ہمنا آباد سے جنتا دل سیکولر پارٹی سے امیدوار فیض محمد فرزند، سی ایم ابراہیم، بھارتیہ جنتا پارٹی سے سد النکیا ناگ بھوشن نے دو کاغذات نامزدگی داخل کرنے کے لئے ضلع انتظامیہ کے دفتر پہنچے۔
کانگریس پارٹی سے راج شیکھر نے دو کاغذات نامزدگی کے بشمول کل 6 کاغذات نامزدگی جمع کرائے گئے۔ بیدر جنوب اسمبلی حلقے سے غیر جماعتی امیدوار کے طور پر چندرسنگھ،عام آدمی پارٹی سے محمد نسیم الدین پٹیل، بھارتیہ جنتا پارٹی سے ڈاکٹر شیلندر نے پرچہ نامزدگی داخل کیا۔ بیدر اسمبلی حلقہ سے بھارتیہ جنتا پارٹی سے ایشور چند رود ساگر (ایشور سنگھ ٹھا کر) بہوجن سماج پارٹی سے سید وحید لکھن نے اپنے کاغذات نامزدگی داخل کئے ہیں۔
