جمعہ مسجد ٹرسٹ بورڈ نے کورونا وائرس کے سبب ملک بھر میں نافذ کردہ لاک ڈاؤن کی وجہ سے بد حال و پریشان غریب مزدور طبقات کی امداد کرنے کا فیصلہ کیا ہے۔
لاک ڈاؤن ختم ہونے تک غریب و ضروت مندوں کی امداد کا فیصلہ
اس سلسلے میں ٹرسٹ کے ذمہ داران نے حالیہ دنوں میں ایک ہزار سے زائد ضرورت مندوں میں راشن کٹ تقسیم کی اور ایک منصوبہ کے تحت آنے والے دنوں میں ادارے کی جانب سے 10 لاکھ روپے کی مالیت کا راشن تقسیم کرنے کا فیصلہ کیا ہے تا کہ لاک ڈاؤن کی توسیع سے غریب و مزدور طبقہ بھوکمری کا شکار نہ ہوں۔
راشن کٹس کے علاوہ ٹرسٹ کی جانب سے پی. پی. ای۔ کٹس بھی ان اسپتالوں میں تقسیم کیے جارہے ہیں جہاں کورونا وائرس کے متاثرین زیر علاج ہیں۔
