لاک ڈاؤن پیکج میں صحافیوں کو نظر انداز کیا گیا: عبدالرزاق

ریاست کرناٹک میں کورونا کے بڑھتے ہوئے معاملات کو دیکھتے ہوئے ریاستی حکومت نے کووڈ پیکج کا اعلان کیا ہے۔ ریاستی حکومت کا یہ دوسرا کووڈ امدادی پیکج ہے، جو پانچ سو کروڑ روپے پر مشتمل ہے۔ اس سے قبل حکومت نے 1250 کروڑ روپے کے پہلے کووڈ امدادی پیکج کا اعلان کیا تھا۔ پہلے اور دوسرے کووڈ امدادی پیکج میں مختلف طبقات اور شعبہ جات سے جڑے احباب کو مالی امداد دینے کا اعلان کیا گیا ہے، لیکن پہلے اور دوسرے امدادی پیکج میں ریاستی حکومت کی جانب سے صحافیوں کو کووڈ امداد پیکج میں شامل نہیں کیا گیا۔

یوتھ کانگریس کمیٹی کے ریاستی جنرل سیکرٹری ایڈوکیٹ عبدالرزاق نے ای ٹی وی بھارت سے بات کرتے ہوئے کہا کہ ریاستی حکومت نے دوسرا کووڈ امدادی پیکج کا اعلان کیا ہے وہ ناکافی ہے۔ دوسرا یہ کہ اس کووڈ پیکج میں بھی صحافی احباب کو نظر انداز کیا گیا ہے۔

انہوں نے کہا کہ صحافی احباب کو ریاستی حکومت نے فرنٹ لائن قرار دیا ہے، باوجود اس کے ان کی امداد کے لئے ریاستی حکومت نے اس بار بھی کچھ اعلان نہیں کیا۔

انہوں نے کہا کہ ریاستی حکومت کو چاہیے کہ محکمہ صحت، محکمہ پولیس اور محکمہ بلدیہ کے ہم عصر اس کورونا کے اور لاک ڈاؤن کے ماحول میں صحافی احباب دن رات اپنی نمایاں خدمات انجام دے رہے ہیں، باوجود اس کے حکومت کا صحافیوں کے ساتھ اس طرح کا رویہ ناقابل برداشت ہے۔

ساتھ ہی انہوں نے مطالبہ کیا کہ ریاستی حکومت کو چاہیے کہ صحافی احباب کو بھی کووڈ امدادی پیکیج کا جلد سے جلد اعلان کرے۔