ریاست کرناٹک کے دارالحکومت بنگلور میں صوت الحراء نامی ادارہ کی جانب سے گزشتہ 15 برسوں سے مسلسل سبیل جنتری یا سبیل ڈائریکٹری کو مرتب کیا جارہا ہے۔ سبیل جنتری اس قدر معلومات کا زخیرہ ہے کہ آج کے اس انٹرنیٹ کے دور میں بھی یہ ایک اہم ضرورت ہے۔
نوجوان عالم دین و ادارہ صوت الحراء کے مہتمم حبیب الرحمن نے اس سبیل جنتری کو مرتب کیا ہے جس میں نہ صرف کیلنڈر بلکہ شہر کے سماجی، ملی و دینی اداروں کے تفصیل کے علاوہ شہر کے علماء، دانشوران، سیاستدان و اہم شخصیات کے نمبرات بھی ہیں۔
مولانا حبیر الرحمن رشادی نے بتایا کہ 'انہوں نے جنتری کے جدید ایڈیشن میں کورونا وائرس کی وباء سے بچاؤ کے سلسلے میں نہ صرف ضروری ہدایات بلکہ اس سے منسلک دعائیں بھی شامل کئے ہیں۔
یہ بھی پڑھیں: سورو گانگولی کو دل کا دورہ پڑا، اسپتال میں داخل
معروف عالم دین مولانا مفتی بدیع الزمان قاسمی ندوی نے مولانا حبیب الرحمن کی کوششوں کو خوب سراہا اور امید جتائی کہ وہ آنے والے دنوں میں اس جنتری کا آن لائن ایڈیشن بھی جاری کریں۔
