ریاست کرناٹک میں ان دنوں کورونا کیسز میں کمی واقع ہورہی ہے جب کہ صحت یاب ہونے والے مریضوں کی تعداد میں کمی واقع ہورہی ہے۔ ریاست میں گزشتہ روز 22،823 نئے کیسز اور 401 اموات درج ہوئے ہیں اور ریاست بھر میں کووڈ پازیٹیو کیسز کی تعداد 4 لاکھ سے کم ہوئی ہے۔ اب تک کووڈ انفیکشن کی کل تعداد 25،46،821 ہے۔ اموات کی تعداد 27،806 ہے اور اب فعال کیسوں کی کل تعداد 3،72،373 ہے۔
غور طلب ہے کہ علاج کے بعد صحت یاب ہوکر ڈسچارج ہونے والے مریضوں کی تعداد 52،253 ہے جو کہ تازہ کیسوں کی بہ نسبت بڑھ رہی ہے۔ گزشتہ روز رات تک درج ہونے والے کل 22،823 نئے کیسز میں سے 5،736 بنگلورو اربن سے رہے، جب کہ شہر بنگلور میں 31،237 افراد صحتیاب ہوئے اور 192 اموات ہوئیں۔
ریاستی محکمہ صحت کی جانب سے جاری کردہ تازہ اعداد و شمار میں بتایا گیا ہے کہ ریاست میں مجموعی طور پر 25،46،821 کیسز کی تصدیق ہوئی ہے، جس میں 27،806 اموات اور 21،46،621 صحت یابی کے بعد ڈسچارج شامل ہیں۔ جو گزشتہ روز کی مثبت شرح 16.42 فیصد رہی جب کہ کیس فیٹیلیٹی ریٹ (سی ایف آر) 1.75 فیصد رہا۔
اب تک مجموعی طور پر 2،93،37،928 لوگوں کے نمونے لئے گئے ہیں۔
