ریاست کرناٹک کے شہر بیدر کے رکن اسمبلی پربھو چوہان کے دفتر کا افتتاح عمل میں آیا۔
اس موقع پر بیدر کے رکن اسمبلی رحیم خان اور ضلع کے بی جے پی مائناریٹی صدر سید الیاس کے علاوہ پارٹی کے دیگر اعلیٰ رہنماؤں نے مہمان خصوصی کے طور پر شرکت کی۔
اس موقع پر پربھو چوہان نے میڈیا سے بات چیت کرتے ہوئے کہا کہ یہ دفتر عوام سے ربط کے لیے کھولا گیا ہے۔
انہوں نے کہا کہ میں عوامی مسائل کو حل کرنے کے لئے کام کروں گا اور میری پہلی ترجیح شہر کے مسائل کو حل کرنے کی ہوگی۔
وقف جائیداد پر ناجائز قبضہ اور شہر بیدر میں حج ہاؤس کی تعمیر کے سوال پر انہوں نے کہا کہ میں نے کل ہی اس عہدے کی ذمہ داری لی ہے اور وقف کے مسائل کو حل کرنے کی کوشش کروں گا۔
واضح رہے کہ بیدر کے رکن اسمبلی پربھو چوہان کو بیدر اور یادگیر دونوں اضلاع کے لیے نگران وزیر بنایا گیا ہے۔
اس کے علاوہ ان کو ریاست کرناٹک کے میناریٹی وزیر، حج اور وقف بورڈ کی بھی ذمہ داری دی گئی ہے
