کرناٹک:ضمنی انتخابات میں کانگریس کی جیت یقینی

ریاست کرناٹک میں ہورہے ضمنی انتخابات کے سلسلے میں ریاستی کانگریس کمیٹی کے صدر دنیش گنڈوراؤ نے کہا کہ اس انتخابات میں کانگریس امیدواروں کو 12 حلقوں میں کامیابی حاصل ہوگی۔

کرناٹک کے ضلع ہاویری کے ہرے کیرور اسمبلی حلقے میں دنیش گنڈوراؤ کانگریس پارٹی کے امیدوار بی ایچ بنی کوڈ کے لیے انتخابی تشہیر کے لیے پہنچے۔

اس موقع پر انہوں نے کہا کہ ریاست کرناٹک میں 15 حلقوں میں ضمنی انتخابات ہورہے ہیں۔جو لوگ کانگریس پارٹی کو دھوکہ دے کر بھارتی جنتا پارٹی میں شامل ہوں گے، ان کو عوام اس بار ضرور سبق سیکھائے گی۔

دنیش گینڈوراؤ نے کہا کہ اس بار ضمنی انتخابات میں کم از کم 12 کانگریس امیدواروں کو کامیابی ملے گی۔

انہوں نے بتایا کہ یہاں پر کانگریس امیدوار بی ایچ بنی کوڈ کی جیت کو یقینی بتایا ہے۔