بنگلور: ہیومن ٹچ این جی او بنگلور کی معروف سماجی تنظیم ہے جو کہ گزشتہ کئی سالوں سے سماجی و تعلیمی میدان میں اپنی خدمات انجام دیتی آرہی ہے۔ خدمات کا سلسلہ جاری رکھتے ہوئے ہیومن ٹچ کی جانب سے گزشتہ روز شہر بنگلور کے مسجد نور کے احاطے میں غریب و مستحق جوڑوں کی اجتماعی شادی کا پروگرام منعقد کیا گیا۔ اس سلسلے میں بات کرتے ہوئے ہیومن ٹچ کی صدر تزین عمر نے بتایا کہ جہیز جیسی لعنت کی وجہ سے کئی غریب لڑکیوں کی شادیاں نہیں ہوپاتی جس کی وجہ سے لڑکیوں کی عمر ڈھلتی جاتی ہے۔ جہیز جیسی لعنت کی وجہ سے لڑکیوں کی عمر 30 سال سے زائد تک ہوجاتی ہے اور ان کا نکاح نہیں ہوپاتا۔ Humane Touch NGO
تزین نے کہا کہ ان حالات میں ان کے این جی او ہیومن ٹچ کی جانب سے مستحق لڑکیوں کی شادیوں کا اہتمام کیا جاتا ہے۔ انہوں نے بتایا کہ ان اجتماعی شادیوں میں سبھی جوڑوں کو ان کی ازدواجی زندگی کو شروع کرنے کے لیے درکار اشیاء مہیا کی گئی۔ تزین عمر نے بتایا کہ ہیومن ٹچ مساجد کی انتظامیہ کمیٹیوں کے ذریعے ملت کے لوگوں کو مذکورہ اجتماعی شادیوں کے متعلق بتایا جاتا ہے اور ایک فارم کے ذریعے ان کی معلومات حاصل کی جاتی ہے۔ جس کے بعد ان جوڑوں کو بنگلور بلا کر ان کے نکاح اجتماعی طور پر کروائیے جاتے ہیں۔ Humane Touch NGO
تزین عمر کا کہنا ہے کہ ملت اسلامیہ میں جہیز جیسے برائی کی وجہ سے آسان و سادہ نکاح ہونا محال ہوچکا ہے جس سے کئی خاندانوں میں لڑکیوں کی شادی کی عمر ہونے کے باوجود گھروں میں بیٹھی ہیں جو کہ نہایت افسوس کی بات ہے۔ اس موقع پر تزین عمر نے ملت کو پیغام دیا کہ پیارے نبی کی سنت پر عمل کرتے ہوئے آسان نکاح کو اپنائیں تاکہ ملت کی لڑکیاں مسائل کا شکار نہ ہوں۔ Humane Touch NGO
یہ بھی پڑھیں : ہیومن ٹچ ادارہ کے زیر اہتمام اجتماعی شادیوں کا انعقاد
