بنگلور: کرناٹک قانون ساز کونسل میں بھارتیہ جنتا پارٹی کی جانب سے گزشتہ دنوں انسداد گوکشی قانون کو پاس کردیا گیا جو اب ریاست بھر میں نافذ بھی ہوچکا ہے۔
اس ضمن میں پاپیولر فرنٹ کرناٹک کے صدر یاسر حسن نے کہا کہ 'قانون ساز کونسل میں بی جے پی نے انسداد گوکشی بل پر بحث کرنے کا کوئی موقع فراہم نہیں کیا جو جمہوریت کے خلاف پے۔
انہوں نے کہا کہ ایسے حالات میں سیکولر رہنماؤں کی بڑی ذمہ داری ہوتی ہے کہ عوام مخالف قوانین کی سخت مخالفت کریں۔
یاسر حسن نے ریاست کی سیکولر پارٹیوں اور سیکولر رہنماؤں سے سوال بھی کیا کہ ان کے موجودگی میں یہ کیسے ممکن ہوا کہ عوام اور کسان مخالف انسداد گوکشی قانون کو پاس کردیا گیا؟
مزید پڑھیں:
کرناٹک نے کیرالہ سے متصل 13 داخلی پوائنٹس بند کر دیے
انہوں نے کہا کہ بی جے پی کی انسداد گوکشی قانون کو بنانے کا مقصد مسلم مخالف ہوسکتا ہے لیکن حقیقت میں یہ کسان مخالف ہے اس قانون سے سب سے زیادہ نقصان کسانوں کو ہوگا۔
