ڈینگو، ملیریا سے حفاظت کے لیے صفائی ضروری

'اگر آپ کو بخار ہے اور دو روز سے زیادہ ہو گئے ہیں تو فوراً ڈاکٹر سے رجوع کریں اور خون کی جانچ کروائیں تاکہ بیماری کا آسانی سے پتہ چل سکے اور بروقت علاج ہو سکے۔'

ڈاکٹر سید مسیح الدین نے ای ٹی وی بھارت سے خصوصی بات چیت کے دوران عوام سے یہ اپیل کی۔

انہوں نے بتایا کہ 'شہر میں ڈینگو اور ملیریا جیسی مہلک بیماریاں تیزی سے پھیل رہی ہیں۔ سڑکوں، گلیوں اور گھر کے اطراف میں جمع ہونے والی گندگیوں کے سبب یہ بیماریاں لاحق ہوتی ہیں۔'

انہوں نے بتایا کہ 'ڈینگو اور ملیریا جیسی مہلک بیماری سے بچنے کے لیے صفائی کا خاص خیال رکھیں۔'

انہوں نے بتایا کہ 'اپنے گھروں کے اطراف بارش کا پانی جمع نہ ہونے دیں۔ بارش کا پانی جمع ہونے سے مچھروں کی افزائش ہوتی ہے جس سے ملیریا اور ڈینگو جیسے مہلک امراض کے لاحق ہونے کا خطرہ بڑھ جاتا ہے۔'