لوگوں کو جہاں روزگار کے مسئلہ سے مشکلات سے دوچار ہونا پڑ رہا ہے تو وہیں روز مرہ کے مسائل عام لوگوں کی زندگیوں میں پریشانیوں کا باعث بن رہے ہیں۔
ریاست کرناٹک کے ضلع یادگیر میں لاک ڈاؤن کے بعد بس سروس شروع کی گئی ہے لیکن احتیاطی اقدامات کے طور پر ابھی سٹی بس سروس شروع نہیں کی گئی ہے۔ اس کے علاوہ دیہاتوں کے لیے بھی بس سروس شروع نہیں کی گئی ہے جس کے سبب عام لوگوں کو اپنا سفر آٹو یا ٹیکسی میں کرنا پڑ رہا ہے۔ اسی بات کا فائدہ اٹھاتے ہوئے ٹیکسی اور آٹو ڈرائیورز مسافروں سے من مانا کرایہ وصول کر رہے ہیں۔
مقامی لوگوں کے مطابق شہر میں آٹو کا کرایہ کم سے کم بیس روپے کیا گیا ہے جو لاک ڈاؤن سے قبل 10 روپے لیا جاتا تھا۔ اس کے علاوہ یادگیر سے نارائن پیٹ کے لیے جہاں پچاس روپے لیے جاتے تھے اب 100 روپے لے رہے ہیں۔
مقامی لوگوں کا کہنا ہے کہ ' شہر میں فل آٹو کا کرایہ جہاں ساٹھ روپے تھا اب سو روپے کیا گیا ہے۔'
لاک ڈاؤن کے بعد جہاں لوگوں کو مختلف پریشانیاں پیش آ رہی ہیں۔ وہیں آٹو اور ٹیکسی کے کرائے میں اضافہ بھی پریشانی کا سبب بن رہا ہے۔
