ریاست کرناٹک کے ضلع یادگیر میں گزشتہ رات سے مسلسل بارش ہو رہی ہے۔ محکمہ موسمیات کے مطابق بنگال میں ہوا کے دباؤ میں کمی کے سبب ریاست کے بیشتر علاقوں میں تین دنوں تک تیز بارش کا امکان ہے۔
یادگیر شہر میں رات سے موسلادھار بارش کا سلسلہ جاری ہے جس کے سبب عام زندگی متاثر ہوئی ہے۔
شہر کی بیشتر سڑکوں پر بارش کا پانی بھر جانے کے سب راہگیروں اور موٹر سائیکل سواروں کو کافی مشکلات کا سامنا کرنا پڑ رہا ہے۔
گاندھی چوک سے پٹیل واڑی جانے والی سڑک پر باش کے پانی کے تیز بہاؤ کے سبب لوگوں کو آنے جانے میں کافی مشکلات درپیش ہیں۔
محکمہ موسمیات سے مطابق ضلع میں تین دن تک ہونے والی بارش کا آج پہلا دن ہے۔
پہلے دن ہی شہر میں جگہ جگہ پانی جمع ہو گیا ہے، نالیوں اور ڈرینج کا پانی بھی سڑکوں پر دیکھا جا رہا ہے۔
