کرناٹک کے وزیر صحت بی سری رامولو، جنہوں نے گزشتہ اتوار کو اعلان کیا تھا کہ وہ کووڈ-19 مثبت ہیں، انفیکشن سے صحتیاب ہونے کے بعد انہیں آج اسپتال سے فارغ کردیا گیا۔ 49 سالہ مذکورہ رہنما کا بنگلورو کے باؤرنگ اینڈ لیڈی کرزون میڈیکل کالج اور ریسرچ انسٹی ٹیوٹ میں علاج کیا گیا۔
وزیر موصوف نے کہا انھیں بخار اور کھانسی تھی۔ باقی سب کچھ ٹھیک تھا۔ دوبارہ ٹیسٹ کرنے پر رپورٹ منفی آئی،اور صحت مستحکم ہے۔ انہوں نے اسپتال عملے کا شکریہ ادا کیا جنہوں نے ان کی دیکھ بھال کی۔
بی سری راملو پہلے سرکاری شخص ہیں جنھوں نے گورنمنٹ ہسپتال میں اپنا علاج کروایا جبکہ متعدد دیگر ارکان اسمبلی جو اس وبا میںمبتلا ہوئے،نجی ہسپتال میں علاج کروایا۔
