گلبرگہ میں مفت ہیلتھ کیمپ کا انعقاد

کرناٹک کے گلبرگہ میں نیا سویرا سنگھٹن کی جانب سے مفت ہیلتھ چیک اپ کیمپ منعقد کیا گیا جس سے متعدد لوگوں نے استفادہ حاصل کیا۔

گلبرگہ شہر میں نیا سویرا سنگھٹن کی جانب سے سال میں 3 تا 4 مرتبہ مسلم علاقوں میں مفت ہیلتھ چیک اپ کیمپ منعقد کیے جاتے ہیں۔ تنظیم ہمیشہ عوام کی خدمت کے لیے آگے آگے رہتی ہے۔

اس موقع پر نیا سویرا سنگھٹن کے صدر مودین پٹیل نے کہا کہ تنطیم کا مقصد لوگوں کی خدمت کرنا ہے۔ انہوں نے کہا کہ گذشتہ کئی سالوں سے تنظیم کی جانب سے سماجی، تعلیمی اور مذہبی خدمات انجام دی جارہی ہیں۔

انہوں نے کہا کہ کورونا اور لاک ڈاون کے دوران پریشان حال غریبوں اور مزدوروں میں گھر گھر جاکر غذا تقسیم کی گئی جبکہ آج مصباح نگر، ایم ایس کے میلز، رنگ روڈ کے قریب نوودیا ماڈل اسکول میں مفت ہیلتھ چیک اپ کیمپ منعقد کرکے لوگوں میں مفت دوائیاں تقسیم کی گئیں تاکہ غریب لوگوں کی مدد کی جاسکے۔