ایچ ڈی دیو گوڑا کا الیکشن نہ لڑنے کا فیصلہ

سابق وزیراعظم اور جنتادل سیکولر (جے ڈی ایس) کے قومی صدر ایچ ڈی دیو گوڑا نے فیصلہ کیا ہے کہ وہ اب الیکشن نہیں لڑیں گے۔

دیو گوڑا نے پارٹی کی ویب سائٹ لانچ کرنے کے بعد صحافیوں سے بات کرتے ہوئے کہا کہ وہ اب لیکشن نہیں لڑیں گے۔

دیوے گوڑا نے کہا کہ ریاست کی 17 اسمبلی سیٹوں پر ہونے والے ضمنی انتخابات میں ان کے خاندان کے کسی فرد کو ٹکٹ نہیں دیا جائے گا۔

کرناٹک میں اسمبلی سیٹوں پر ہونے والے آئندہ ضمنی الیکشن پر انہوں نے کہا کہ 'پارٹی انتخابی حلقے سےمقامی امیداوار چنے گی'

انہوں نے کہا کہ 'میں نے کانگریس کی صدر (سونیا گاندھی) سے آنے والے ضمنی الیکشن میں اتحاد کے ساتھ اترنے کا ذکر کیا ہے'۔

سابق وزیر اور کانگریس کے رہنما ڈی کے شیوکمار کی گرفتاری کی مخالفت میں ہونے والے مظاہرے میں شامل نہ ہونے کے سلسلے میں دیوے گوڑانے کہا کہ اس مظاہرے کو ہماری حمایت حاصل ہے۔

انہوں نے کہا کہ سابق وزیر اعلیٰ ایچ ڈی کماراسوامی، شیوکمار کے گھر گئے اور ان کی ماں سے ملاقات کی۔

جے ڈی ایس کے صدر نے کہا 'بدھ کے روز ہونے والے مظاہرے میں ہمارے رہنماؤں نے بھی حصہ لیا تھا'۔