ریاست کرناٹک کے ضلع یادگیر میں گرمٹکل کے رکن اسمبلی ناگن گوڑا کوویڈ پارٹیو پائے گئے ہیں۔ انہیں کوویڈ ہسپتال میں علاج کے لئے داخل کروایا گیا ہے۔
وہیں ان کے رابطے میں آئے لوگوں کو بھی ہوم کورنٹائن میں رہنے کی محکمہ صحت نے صلاح دی ہے۔ ساتھ ہی رابطے میں آئے لوگوں کے خون کے نمونوں کو کوویڈ لیب جانچ کے لیے بھیج دیا گیا ہے، جہاں سے ان کی رپورٹ موصول ہونا ابھی باقی ہے۔
رکن اسمبلی نے سبھی لوگوں سے اپنی صحت کا دھیان رکھنے اور 'سیلف کوارنٹائن' ہونے کی اپیل کی ہے۔
یہ بھی پڑھیں: بھارت: مسلسل پانچویں دن کورونا کے پچاس ہزار سے زیادہ معاملے
انہوں نے عوام سے اپیل کرتے ہوئے کہا کہ 'جو لوگ میرے رابطے میں آئے ہیں وہ خود بھی اپنا ٹیسٹ کروا لیں اور اس کی رپورٹ آنے تک وہ خود کو آئسولیشن میں رکھیں تاکہ یہ مرض دوسروں تک نہ پھیل سکے۔'
