گلبرگہ: ڈپٹی کمشنر نے سیلاب متاثرہ علاقوں کا دورہ کیا

ریا ست کرناٹک کے ضلع گلبرگہ کے ڈپٹی کمشنر واسو ریڈی وجیاجیوتسنا نے آج گلبرگہ کے سیلاب سے متاثرہ علاقوں کا دورہ کیا۔

انہوں نے چنچولی تعلقہ کے گارمپلی میں پل کے اوپر سے بہہ رہے سیلاب کے پانی کا مشاہدہ کیا۔

اس موقع پر ارونکمار کلکرنی تحصیلدار چنچولی نے ڈپٹی کمشنر گلبرگہ کو چنچولی تعلقہ میں درپیش سیلاب کی صورتحال سے واقف کروایا۔

واضح رہے کہ مذکورہ علاقہ میں گذشتہ دو دنوں سے مسلسل موسلا دھار بارش ہورہی ہے جس کی وجہ سے ندیاں اور تالاب بھر گئے ہیں۔

ندی کے قریب رہنے والے افراد کو مکان خالی کرنے کی اپیل کی گئی ہے ۔