ریاست کرناٹک کے شہر گلبرگہ میں ایس یو سی آئی تنظیم کی جانب سے بے گھر غریب مزدوروں کو مکانات فراہم کر نے کا مطالبہ کر تے ہوئے گلبرگہ ضلع کمشنر دفتر کے سامنے احتجاج کیاگیا۔
گلبرگہ: بے گھر غریب مزدوروں کو مکانات فراہم کر نے کا مطالبہ
اس موقع پر ایس یو سی آئی کی رکن ڈاکٹر سیما دیس پانڈے نے کہا ملک بھر میں پھیلی ہوئی وبا کورونا وائرس سے کئی مزدور بے روزگار ہو چکے ہیں، ان کے لیے مکان کا کرایہ ادا کر نا مشکل ہو چکا ہے۔ لہذا ہمارا مطالبہ ہے کہ مرکزی اور ریاستی حکومتوں کی رہائشی اسکیمات کے تحت ان کو مکانات فراہم ہوں۔
شہر میں موجود کئی آشریہ اسکیم کے تحت تعمیر کے گئے خالی مکانات کو بے روزگار مزدوروں کی جانچ کر کے فراہم کرنے کے لئے ضلع کمیشنر کو میمورنڈم بھی پیش کیا گیا۔
